اول حاجه :-
ان يكون خطيبك عنده الصدق والوضوح ومش بيجمل الواقع ويقعد يقولك انا عندى وعندى
واهلى وعيلتى وفى الاخر تلاقيه كداااااب وعامل بيحور عليكى
يعنى لازم يبقى واضح فى كل حاجه ظروفه الماديه وكمان قراراته
لان الرجل الصادق معاكى من البدايه هيفضل كده لبعد الجواز
تانى حاجه :-
يكون بيحب يساعد الناس يعنى اجتماعى وبيحب الناس
مش تاخدى واحد بعد الجواز يعزلك عن الدنيا بحالها
لانه مش بيحب يتحمل مسؤلية غيره وبالتالى بيبعد عن الناس
تالت حاجه :-
ودى اهم مؤشررررر
طريقه تعامله مع اهلو
لو لقيته بيحب اهلو وبيعرف يساعدهم وبيحل مشاكلهم
اعرفى ان ده هيكون رب اسره نااااااااااجح جدا
مش ليل نهار نازل شتيمه فى اهلو
وبعد كده يقول اصلى متعصب
وسايب المسؤليه كلها على باباه
ده مينفعش ببصله
وزى ما بيطول لسانه على اهلو هيطول لسانه عليكى
رابع حاجه :-
لو لقيته من النوع اللى بيحب يعتمد على نفسه وميحبش حد غيره يصرف عليه
وبيحب الشغل عشان مش يحتاج لحد
اعرفى ان ده هيكون شخصيه ناجحه جدا
وصفه جميله فى رجل تتمنى انه يكون شريك حياتك
خامس حاجه :-
ودى الصفه المزعجه
انه تلاقيه عايز يعرف عندك على كبيره وصغيره
انا مش بحب النوع ده لانه بيكون مزعج احيانا
لكن فى فرق برضو بين انه عايز يعرف عنك حاجات عشان يتحمل مسؤليتك
والنوع ده بيكون شخصيه قياديه وبيحب السيطره
لكن فرررررقى بين الشخص ده والشخص التانى اللى هو محشوووووووور فى كل حاجه زى البقدووونس
كده يااااااااساتر يا رب
ما علينا
المهم بقى
كل واحده تشوف الصفات دى فى خطيبها ولا لا
وكمااااااان نصيحه لوجه الله
فكرررررررى كويس فى موضوع خطوبتك وبلاااش التسرررررع
لان الشخص اللى هتختاريه هتكملى حياتك معاه
ولازم تختارى راحتك
ومتميش ورااااااا كلام حد ان مفيش عرسان
وان هتعنسى وكلام الهبل ده
محدش بياخد اكترررر من نصييييييييبه
سيبها على ربنا وربنا هيكرمك باحسن حاجه فى الدنيا